Әлеумет

Төлебиде – жаңа кешен

Адамдардың денсаулығын жақсарту үшін денсаулық сақтау мекемелерін көбейткеннен салауатты өмір салтын қалыптастыратын нысандардың санын арттырған тиімді екені талас тудырмайды. Осы орайда Төлеби ауданында атқарылып жатқан өнеге боларлық жұмыстар аз емес.

Кешегі аптада Түркістан облысының әкімі Өмірзақ Шөкеев Төлеби ауданы, Леңгір қаласында бой көтерген заманауи үлгідегі спорттық-сауықтыру кешенінің салтанатты ашылу рәсіміне қатысқаны осы сөзіміздің дәлелі бола алады. Мемлекеттік жекешілік әріптестік аясында салынған жаңа орталықта спортшылармен жүздескен аймақ басшысы жергілікті жұртшылықтың бұқаралық спортқа көптеп тартылуын құптайтынын жеткізді.

«Облыс аумағында мемлекеттік жекешілік әріптестік аясында жаңа спорт кешендері көптеп салынуда. Осы арқылы спорттық инфрақұрылымдар дамып келеді. Спортшыларға қарап өскелең ұрпақ үлгі алып, болашақта ел чемпиондарына ұқсағылары келеді. Әсіресе, ер бала үшін бұл өте маңызды. Жастардың бос уақыты болмау керек. Осы жолда оларға мүмкіндік жасау керек», – деді облыс басшысы Өмірзақ Естайұлы.

Жаңа спорттық-сауықтыру кешенінде 1400-ден аса жастар мен жасөспірімдер спорттың футбол, волейбол, баскетбол, бокс, үстел теннисі, күрес түрлерінен кәсіби тұрғыда жаттыға алады. Бүгінде Төлеби  ауданында 364 спорт нысаны жұмыс істейді. Онда 35 мыңнан астам адам жаттығады екен.

Добавить комментарий

Ваш e-mail не будет опубликован. Обязательные поля помечены *