Қазақтың тойынан байқағаным, бітпейтін бір-біріне шапан жабу. Жігіт жақтың құдалары қыз жаққа, қыз жақтың құдалары жігіт жаққа. Тіпті, жасы 40-тан асқандардың да иығына жабады. Баяғыда ақсақал, ақжаулықты әжелер киетін еді…
Бұл деген қып-қызыл ақша. Сосын, үлкен-үлкен, қорбиған қалың шапандарды күнделікті өмірде кие алмайсыз. Заманауи да емес. Ол сосын бір құдалықтан екіншісіне, әрі қарай үшіншісіне жалғасып тозып бітеді. Түкке керегі жоқ осы. Тек, үлкендерге (ата-әжелер), құрметті кісілерге жапсын, болды. Апайым айтады, «үйде 6 шапан жатыр, керексіз боп» дейді. Сіз не дейсіз?
Қазақтың тойына жаңа реформа, жаңа формат керек. Той тамақ жеу мен тост айтумен өтеді. Түк қызық жоқ, мен үшін.
Армангүл Тоқтамұрат,
журналист
