Кеше қаңтардың 29-ы күні Шымкентте «KASIET» фитнес-клубында 5 жасар бала бассейінге батып кетті. Бұл туралы Шымкент қаласы ТЖД дағдарыс жағдайларды басқару басқармасына Жедел медициналық қызметтен хабарлама келіп түскен. Онда 29 қаңтарда сағат 17.25-те 2018 жылы туған бала бассейнге батып кеткені туралы айтылған. Бассейін балаларға арналған.
Айта кету керек бұл фитнес-клуб қаланың Тұран ауданы, 8 шағынауданында, Үркімбаев көшесінде орналасқан. Балалар бассейнінің тереңдігі 1,2 м.ені 5 м. Бала ересектердің қарауынсыз қалып, суға батып кеткен. Оқиғаның мән-жайы анықталуда, сот-медициналық сараптама тағайындалған.
«Құрметті ата-аналар! Сақ болыңыз! Ешқашан балаларды қараусыз қалдырмаңыз! Балаларды бассейн аумағында және ішінде өзін дұрыс ұстауға үйретіңіз!» дейді Шымкент қ. ТЖД қоғаммен байланыс жөніндегі тобы.
