Бұл туралы Шымкент қаласы әкімінің ресми өкілі, қала әкімінің орынбасары Сәрсен Құранбек энергетика және инфрақұрылым мәселелерін талқылауға арналған брифингінде баяндады.
Ұлт руханиятының сардары Өзбекәлі Жәнібековтің орталық саябақтағы тас мүсіні жақын арада ол жерден алынады. Реконструкцияланады, сосын ол Ө.Жәнібеков атындағы педагогикалық университеті ғимаратының жанына қойылады. Төңірегі абаттандырылып, тұғырға орнатылады.
Ғалым, академик Төлеген Тәжібаевтың бюсті қаладағы №81 мектептің алдынан алынып, Т.Тәжібаев және Д.Қонаев көшелерінің қиылысына орнатылған. Ал Алпамыс батырдың ескерткішін қайта орнату жұмыстары аяқталуға жақын. Ол қаланың Ташкентке шыға беріс бетіндегі бұрынғы «МАИ» бекеті орнына қойылады.
Дүйсен ОРАЗ