Аурухана ішілік инфекциялар бүкіл әлемдегі денсаулық
сақтаудың маңызды мәселелерінің бірі болып саналады.
Ауруханаішілік инфекция жағдайларына пациенттің стоматологиялық манипуляцияларды орындау кезінде парентеральды гепатитпен инфекциясын жатқызуға болады. Эндогендік және экзогендік инфекциялар бар.
Стоматологиялық тәжірибеде инфекцияның әртүрлі жолдары болуы мүмкін. Негізгі жолдардың бірі-тікелей және жанама байланыстың салдары болуы мүмкін байланыс. Емханалардың стоматологиялық кабинеттерінде және жақ-бет хирургиясы бөлімшелерінде инфекцияның берілуінің байланыс жолы медицина қызметкерінің қолдары және ол жұмыс істейтін құралдар арқылы, әсіресе ауыз қуысында манипуляциялар кезінде жүреді. Инфекцияның ауа-тамшы жолы бормашиндердің жұмысына, әсіресе ауыз қуысында инвазивті операцияларға байланысты. Инфекцияның берілу факторлары ретінде қоршаған ортаның әртүрлі нысаналарды, заттарды және беткейлерді шам өшіргіштер, шам ұстағыштар, бормашинаның беткейлері және т,б, қарастыруға болады.АІИ науқастардан медицина қызметкерлеріне жұғып, сондай ақ емдеу профилактикалық мекемелерде кең таралуы мүмкін. Қазіргі таңда көбінесе стоматологиялық қабылдауға келетін иммунитеті төмен науқастар аса қаіпті АІИ таратушы топқа жатады, сонымен қатар олардың сезімталдығы да АІИ-ға жоғары болады.Сондықтан, дәрігер әрбәр науқасқа көңіл бөліп, оның инфекция таратпауы үшін алдын алу шараларын қолдануы керек.Стоматологияда инфекция таралу мәселесі еліміздегі эпидемиялық жалпы жағдаймен байланысты. Барлық жерде байқалған В,С гепатит, АИВ алдын алу аса маңызды. Медицина қызметкерлерін уақытылы медициналық тексеруден өткізу міндет және қызметкерлеріне жүйелі түрде тренингтерді жүргізу қажет.
Стоматологияда айқас инфекциялардың алдын алу үшін:
♦ стоматологиялық кабинеттерге қойылатын санитариялық-гигиеналық талаптарды сақтау;
♦стоматологиялық кабинетте эпидемияға қарсы және дезинфекциялық-стерильдеу режимдерін сақтау;
♦ медициналық қызметкерлерді жұмысқа қабылдау ережелерін қатаң сақтау (сулы дерматит көріністері бар, қолдарындағы әсіресе шынтақтарға дейін пиогендік немесе экземалық тері зақымданулары бар медицина қызметкерлері жұмыстан шеттетіледі);
♦ жеке гигиена ережелерін және медициналық қызметкерлердің жоғары санитариялық мәдениетін қатаң сақтау қажет.
Ж. Ілесова, әл-Фараби аудандық СЭББ Санитариялық-гигиеналық қадағалау бөлімінің жетекші маманы.
