Біздің медицина алдын алу, науқастарды ерте анықтау және
тиімді емдеу құралдарымен қаруланған. Егер туберкулезге тән белгілер пайда
болса және уақтылы емделсе, туберкулезді жұқтырудан және оның асқынуларынан
аулақ болуға болады.
Инфекцияның негізгі көзі – туберкулездің белсенді түрімен ауыратын науқас, ол сыртқы ортаға жөтелгенде және түшкіргенде қақырықпен бірге туберкулез таяқшаларын шығарады. Ауырған кезде 2 аптадан астам жөтел, кеуде ауыруы, түнгі терлеу, дене салмағының төмендеуі, температураның 37-37,5 градусқа дейін ұзақ көтерілуі, жалпы шаршау белгілері байқалады. Бұл белгілер басқа ауруларда да пайда болуы мүмкін. Мұндай белгілердің себебін тек медицина қызметкері анықтай алады. Жөтел – туберкулездің жұқпалы түрімен ауыратын науқастарда негізгі симптом болып табылады.
Туберкулездің алдын алу бірнеше кезеңнен тұрады. Мысалы спецификалық – бала туа сала 2-4 күннен кейін перзентханада вакцинациялау. Вакцинация нәтижесінд баланың денесінде иммунитет пайда болады, ол белгілі бір уақытқа созылады. Сондықтан бірнеше жылдан кейін балаларды 6 жасында бір рет ревакцинациялау жүргізіледі.
Балалардағы аурудың алдын алуда туберкулезге қарсы вакцинация жүргізу, жұқтырған туберкулин сынамаларын уақтылы анықтау және уақтылы сауықтыру шараларын қабылдау өте маңызды. Сонымен қатар, балаңызды вакцинациялау туралы мәселелерді шешкен кезде, ең алдымен, интернеттен алынған негіздері жоқ ақпаратқа, медициналық білімі жоқ, осы салаға кездейсоқ адамдар орналастырған ғылыми зерттеулерге емес, нақты ғылыми мәліметтерін, вакцинопрофилактика саласындағы ғалымдардың, мамандардың ғылыми негізделген ақпарат көздерін, жарияланымдарын басшылыққа алу керек.
Профилактикалық екпелерден бас тарту арқылы ата-аналар баланы инфекциялардан және оның зардаптарынан қорғау құқығынан айыратынын есте ұстаған жөн. Санитариялық-эпидемияға қарсы профилактика инфекцияның таралуын болдырмауға бағытталған шаралар кешенін қамтиды. Оған ересек тұрғындардың үнемі флюорографиялық тексеруден өтуі, балалардағы туберкулезді уақтылы анықтау үшін тәуекел тобындағы балаларға Манту сынамасын қою, туберкулезбен ауыратын науқаспен байланыста болған адамдарды уақтылы тұрақты тексеру жатады.
Туберкулез инфекциясы ошағында санитариялық іс-шаралар өткізу (науқасты оқшаулау және емдеу, дезинфекция жүргізу), науқастармен байланыста болған адамдардың санитариялық-гигиеналық дағдыларын әзірлеу, халықтың санитариялық сауаттылығын арттыру жұмыстары ұдайы жүргізіледі. Туберкулезбен күресу –жасырын аурумен бірлесе күрескен кезде ғана нәтижелі болады.
Нұргүл Тезекбаева, Тұран ауданындық СЭББ-ның бас маманы.
